ഓടിക്കൊണ്ടിരുന്ന കാറിന് തീപിടിച്ചു

കടയ്ക്കൽ |ഓടിക്കൊണ്ടിരുന്ന കാറിന് തീപിടിച്ചു. ചിതറ മുള്ളിക്കാട് കാനൂർ പള്ളി കിഴക്കതിൽ വീട്ടിൽ സജീറിന്റെ കാറിനാണ് തീപിടിച്ചത്.
തിങ്കളാഴ്ച രാത്രി 7.45-ന് ചിതറ അയിരക്കുഴിയിലായിരുന്നു സംഭവം.
സജീറും പിതാവ് ഷിഹാബു ദീനുംകൂടി കാനൂരിൽ നിന്നു നിലമേലിലേക്ക് പോവുകയായിരുന്നു. കാറിന്റെ മുൻഭാഗത്തു നിന്നു പുക ഉയരുന്നതു കണ്ട് വണ്ടി നിർത്തി.
ഇരുവരും പുറത്തിറങ്ങിയ ഉടൻ തീപിടിക്കുകയായിരുന്നു.
അഗ്നിരക്ഷാസേനയെത്തിയപ്പോഴേക്കും വാഹനത്തിൻ്റെ മുൻഭാഗം പൂർണമായും കത്തി നശിച്ചിരുന്നു.